Siglir tar il cuntegn
cuntegn

Exteriur L’Ungaria vegn crititgada pervi dal tractament da fugitivs

Il Cussegl da l'Europa crititgescha l'Ungaria pervi da ses cumportament envers fugitivs e minoritads.

Protests a Budapest cunter la politica d’immigraziun dal primminister Viktor Orban.
Legenda: Protests a Budapest cunter la politica d’immigraziun dal primminister Viktor Orban. Reuters

En il pajais saja derasada ina chatscha rassistica publica. La regenza da l'Ungaria ha refusà las rinfatschas.

En in rapport da la cumissiun cunter rassissem ed intoleranza dal Cussegl da l'Europa vegn remartgà, che mintga 5avel fugitiv vivia en in champ serrà. Là dettia cundiziuns diras, ed ils fugitivs vegnan per part maltractads, e na survegnan betg sustegn d'advocats u d'organisaziuns d'agid. Era per il cumportament envers la minoritad etnica Roma vegn l'Ungaria crititgada.

RR Novitads 06:00