Ils Stadis Unids da l'America van sin confruntaziun. Els han sistì ils discurs cun la Russia per in armistizi en Siria. Quai ha il ministeri american da l'exteriur dà enconuschent a Washington. Anc avant aveva l'USA adina puspè crititgà las attatgas ord l'aria da la Russia en Siria. L'USA rinfatscha a la Russia d'era tutgar persunas civilias en il pajais ch'è en guerra burgaisa.
Il pledader dal State Departement John Kirby ha pretendì che Moscau e la regenza siriana dal president Baschar al-Assad hajan rinforzà las attatgas sin miras civilas en Siria. En la citad nord-siriana d'Aleppo hai dà ils davos dis adina puspè attatgas ord l'aria sin ospitals.
RR novitads 22.00