La fin zercladur possedeva la China 1’658 tonnas aur, quai communitgescha la Banca centrala a Peking. La fin d'avrigl dal 2009 eran quai anc 1’054 tonnas. Per cumparegliaziun: la Banca naziunala svizra dispona da 1’040 tonnas aur.
L’onn passà è la dumonda per aur sa reducida per in terz en la China, tenor indicaziun dal World Gold Council. Sco raschun vala la campagna da la regenza chinaisa cunter corrupziun.
RR Novitads 12:00