L'extradiziun dal Franzos da 26 onns saja pussaivla, ha communitgà la Procura publica belgia. Avant aveva in advocat da Abeslam ditg, che ses mandant na sa dostia betg pli cunter l'extradiziun a la Frantscha. Ed il suspectà haja era affirmà da vulair cooperar cun las autoritads franzosas.
La polizia belgia aveva arrestà Salah Abdeslam suenter in tschertga da plirs mais ils 18 da mars a Brüssel. El duai esser stà involvì en las attatgas da Paris dal november passà, cura che 130 persunas eran mortas.
RR Novitads 20:00
