La partida dad Angela Merkel la CDU vul manar contractivas cun la SPD per realisar ina coaliziun gronda en Germania, quai hai num suenter discussiuns dal presidi da la CDU. Tuts sajan da l’avis che las contractivas cun la SPD èn d’impurtanza ha ditg il president dal Bundesland Schleswieg/Holstein Daniel Günther. Quai saja ina coaliziun che cuntanschia ina maioritad en il parlament. Mo sche las contractivas cun la SPD na portian betg fritg, stoppia la CDU ir sur ils cudeschs.
La SPD tschenta premissas
Plirs politichers da la SPD han la fin d'emna proponì pliras premissas per ina pussaivla collavuraziun cun la CDU. Uschia investiziuns massivas en la furmaziun, la construcziun d'abitaziuns e tar investiziuns en indriz da transmissiun a spectrum lartg.
RR novitads 06:00