Siglir tar il cuntegn

Header

Shakehands dals dus umens.
Legenda: Ils presidents barack Obama (USA) e Xi Jinping (China) poseschan per ils fotografs a Hangzhou en l'ost da la China. Keystone
cuntegn

Exteriur La China ed ils Stadis Unids – unids per il clima

La China ed il Stadis Unids han approvà la cunvegna da clima da Paris. A l’ur da l’inscunter dals G20 a Hangzhou han ils presidents da las duas naziuns surdà ils documents correspundents a l’ONU. La cunvegna da clima è la cunvegna istorica per cumbatter il stgaudament da la terra.

Ban Ki Moon, il secretari general da las Naziuns Unidas ONU, ha prendì encunter ils documents dal president american Barack Obama e ses collega d’uffizi chinais Xi Jinping. Ban Ki Moon è sa mussà optimistic che la cunvegna posia entrar en vigur anc quest onn.

Avant la surdada aveva detg Obama, che la cunvegna saja il pass decisiv per «salvar noss planet». En China è vegnida approvada la cunvegna dal congress naziunal dal pievel.

La China ed ils Stadis Unids èn ils dus stadis che produceschan il pli bler dal gas da serra sin il mund. La cunvegna va en vigur cura che almain 55 dals 175 stadis ch'han suttascrit ella, han era ratifitgà la cunvegna.

RR novitads 14:00

sda/ij

Artitgels legì il pli savens

Nach links scrollen Nach rechts scrollen