Exteriur - La China facilitescha il commerzi cun la Svizra
A partir dal mardi lubescha la China il commerzi direct tranter sia valuta il Renminbi ed il franc svizzer. Quai ha communitgà la Banca naziunala da la China.
La valuta chinaisa pudess uschia vegnir duvrada dapli en las relaziuns economicas tranter la Svizra e la China. L'entschatta da l'onn avevan omadus stadis suttascrit ina cunvegna correspundenta per rinforzar lur commerzi. En quest connex aveva l'october l'emprima banca chinaisa survegnì ina licenza en Svizra.
