Siglir tar il cuntegn

Header

cuntegn

Exteriur La China reagescha sin turbulenzas a la bursa

En la China è il commerzi d'aczias vegnì serrà pli baud che normal. La raschun per quest pass è stà l'index da las aczias ch'è rut en per 7%.

Dapi l'entschatta da quest onn vala en la China ch'il commerzi d'aczias vegn interrut per in quart d'ura tar variaziuns dals curs da pli che 5%. Sch'ils curs varieschan dentant per passa 7%, vegn il commerzi serrà per il rest dal di.

Il nausch start da la bursa chinaisa en l'onn nov è d'attribuir a las activitads industrialas ch'èn sa reducidas il mais passà pli fitg che spetgà. Era ulteriuras bursas asiaticas han serrà oz cleramain cun in minus.

RR Novitads 12:00

Artitgels legids il pli savens