In aviun da l’armada americana ha transportà las restanzas umanas da la Corea dal Nord sin ina basa americana en la Corea dal Sid. Là datti lura ina ceremonia uffiziala il 1. d'avust, ha communitgà la regenza americana. Betg enconuschent èsi quants schuldads americans che la Corea dal Nord ha surdà.
Resultat da l'inscunter suprem
Il dictatur Kim Jong Un aveva fatg amogna tar l’inscunter suprem cun il president american Donald Trump il zercladur passà, da surdar las restanzas umanas da 200 schuldads americans. La repatriaziun succeda 65 onns suenter la fin da la guerra da la Corea. Lura eran pli che 35’000 schuldads americans vegnids mazzads, e 5’300 schuldads valan sco sparids sin il territori da la Corea dal Nord.
RR novitads 06:00
