Siglir tar il cuntegn

Exteriur La Corea dal Nord fravegia puspè vi da armas atomaras

La Corea dal Nord ha tenor atgnas indicaziuns puspè prendì en funcziun ils implants per producir armas atomaras.

Il manader da la Corea dal Nord Kim Jong-un cun generals.
Legenda: Il reschim da la Corea dal Nord investescha bler per avair armas atomaras. Keystone

Il pajais haja engrondì il dumber da sias armas atomaras e meglierà quellas, ussa sajan ins da tut il temp pront da reagir sin las provocaziuns dals Stadis Unids. Uschia rapportan las agenturas da novitads statalas e sa refereschan sin l'institut per la perscrutaziun atomara.

Dapi il 2009 datti discurs internaziunals ch'han la finamira, che la Corea dal Nord desistia da ses program d'atom dispitaivel.

RR Novitads 12:00