A Zagreb ed en autras citads croatas han la mesemna saira demonstrà pliras dieschmilli persunas. Ellas vulan che las refurmas da la furmaziun da la scol’elementara e media vegn cuntinuada.
Experts duain far refurma, betg ils politichers
Ils demonstrants sustegnan ils 500 experts ch'èn sa retratgs l'emna passada ord protesta perquai che la politica aveva torpedà las refurmas.
Pliras iniziativas da la societad civila aveva clamà a la demonstraziun. ‘Nus na vulain betg daventar ils ostagis da l'elita politica’, è stà il tenor. Ils demonstrants han pretendì la demissiun dal minister da furmaziun Predrag Sustar da l’uniun cristian-conservativa HDZ.
Las emnas passadas aveva in’uniun da magisters appellà als geniturs da bandunar la Croazia ensemen cun lur uffants, damai ch'ins na possia betg vegnir instruids en il pajais tenor standards moderns.
RR novitads 06:00