Exteriur - La cunvegna da clima da Paris va en vigur
La cunvegna dal clima da Paris va en vigur anc avant il proxim inscunter da clima da las Naziuns Unidas a Marrakesch en il Maroc, quai ha il secretariat da clima da l’ONU confermà.
Cun la ratificaziun da 72 pajais che sajan responsabels per 56% da las emissiuns da gas da serra sajan las cundiziuns minimalas per l’admissiun ademplidas, han confermà las Naziuns Unidas. Uschia vegnia la cunvegna ad ir en vigur uffizialmain en 30 dis.
