La EZB cuntinuescha da cumprar emprests

La gievgia ha la Banca centrala europeica decidì da prolungar la cumpra d’emprests da stadi e ulteriurs titels fin la fin dal december 2017. Davent da l’avrigl vegn il program dentant reducì da 80 sin 60 milliardas euros al mais.

Mario Draghi da la Banca centrala europeica Bild in Lightbox öffnen.

Legenda da maletgs: Il president da la EZB Mario Draghi a chaschun da la conferenza da medias a Frankurt. Reuters

Suenter la terrada dal primminister talian Matteo Renzi tar il referendum da la dumengia passada dat la Banca centrala europeica cun la prolungaziun in cler signal. Las cumpras d’emprests sustegnan tenor l’opiniun da blers economs cunzunt pajais cun fitg auts debits sco l’Italia u la Spagna. Quests pajais na pateschan uschia betg uschè da lur custs da tschains.

Plinavant n’ha la Banca centrala europeica betg tutgà ils tschains directivs. Il pli impurtant tschains directiv ch’è collià cun l’emprest da daners a las bancas commerzialas resta tar 0,0 pertschient.

RR novitads 15:00