- Pervi da la crisa da corona ha la Frantscha midà il program per il 14 juillet.
- Enstagl da la parada militara usitada ha gì lieu ina festa cun passa 2'000 persunas sin la Place de la Concorde.
- La plazza era bloccada e mo accessibla per giasts envidads. La Svizra ha represchentà cusseglier federal Alain Berset.
En il rom da la ceremona ha la Frantscha era vulì engraziar als pajais partenaris durant la crisa da corona. Era la Svizra è stada in da quests pajais. Preschent è era stà in detaschament da l'armada svizra. Sco gest d'engraziament per surpigliar 57 pazients da covid da la Frantscha – hai dà ina parada da schuldada svizra a Paris.
audio
14 juillet – Clara Vallois da Paris davart il di da la festa naziunala
ord Actualitad dals 14.07.2020.
laschar ir. Durada: 2 minutas 41 Secundas.
Macron undrescha quels che han tgirà
La ceremonia a Paris è ida a fin cun in omagi per il persunal medicinal. Var dus tozzels tgirunzas e tgirunzs e medis e medias èn sa radunads sin la plazza. Tut ils giasts èn lura stads en pe, han applaudà – ed ins ha chantà l'imni naziunal Marseillaise. Silsuenter ha Emmanuel Macron discurrì curt cun il persunal da tgira.