Siglir tar il cuntegn

Header

En a mez spetga Manuel Valls sin il president franzos François Hollande.
Legenda: En a mez spetga Manuel Valls sin il president franzos François Hollande. Keystone
cuntegn

Exteriur La Frantscha vegn a surpassar il patg da stabilitad dal euro

Las expensas per la segirtad interna vegnan a crescher ils proxims onns ed uschia na vegn la Frantscha betg a respectar il patg da stabilitad dal euro.

Pervi da las expensas per la segirtad interna vegn la Frantscha betg a respectar il limit maximal da debits dal patg da stabilitad dal euro. Tenor il primminister franzos Manuel Valls sto la Frantscha uss far investiziuns en la segirtad interna ed el cumbat cunter il terrorissem. La polizia ed ils servetschs secrets stoppian uss survegnir tut ils meds necessaris. Il president franzos François Hollande aveva annunzia da vulair stgaffir 8’500 novas plazzas tar las autoritads da segirtad e tar la giustia.

La polizia franzosa ha fatg la notg passada ulteriuras razzias

La polizia franzosa ha fatg la notg passada razzias en ulteriuras 128 abitaziuns. Las razzias sajan legitimadas tras il stadi d’urgenza quai ha ditg il minister dal intern franzos Bernard Cazeneuve a l’emettur da radio France Info. Dapi ils attentats da Paris il venderdi saira sajan passa 115’000 policists e schuldads vegni mobilisads. Dapli indicaziuns n’ha Cazeneuve betg fatg. Gia la notg sin ier aveva la polizia gia fatg razzias en 168 abitaziuns.

RR novitads 12:00

Dapli da Exteriuravrir la Landingpage

Nach links scrollen Nach rechts scrollen