Siglir tar il cuntegn

Header

cuntegn

Exteriur La Grezia confruntada cun adina dapli fugitivs

Pervi da las controllas pli severas per lung da la ruta dal Balcan èn adina dapli fugitivs bloccads en la Grezia. Gia uss sajan var 22’000 migrants e fugitivs là, ha ditg il minister grec Yannis Mouzalas ad in emettur da televisiun.

Il minister grec quinta ch’il dumber da umans ch’èn bloccads en la Grezia s’augmenta il mais che vegn sin 50’000 fin 70’000. Per quels dettia lura savens mo champs d'urgenza, avertescha il minister.

Plan da la NATO

Ina reducziun dal dumber da fugitivs per 70% spetga il minister Mouzalas, sch’il plan per engaschar la NATO en la Mar Egeica vegn realisà. Avant paucs dis aveva il cussegl da la NATO decidì d’observar las activitads en la Mar Egeica. Dentant n’han las bartgas da la NATO nagin mandat per tegnair si bartgas cun fugitivs e manar enavos quels en la Tirchia. Ellas prendan a bord be fugitivs ch’èn en privel da mar.

RR Novitads 12:00

Artitgels legids il pli savens