Il fond monetar internaziunal ha dentant gia signalisà da vulair sustegnair vinavant la Grezia era suenter il na tar il referendum. La situaziun vegnia observada exact ed il fond monetar saja pront da sustegnair la Grezia sche quai saja giavischà, ha ditg la manadra dal fond monetar internaziunal Christine Lagarde.
Consultaziuns cuntinueschan
Dentant han ils minister da finanzas da la gruppa da l'euro annunzià ch’els sa cusseglian damaun a Brüssel. Er il president da la Banca centrala europeica Mario Draghi ed il schef da la gruppa da l'euro Jerun Dijesselbloem han annunzià da far part da l’inscunter.
Bancas greccas arvan pir la mesemna
Las bancas greccas restan serradas almain enfin la mesemna, quai rapporta l'agentura da novitads statala grecca. Era la limita da retrair daners als automats resta, uss dependia quai sche las bancas greccas vegnian sustegnidas da la Banca centrala europeica, rapporta l'agentura statala grecca. Las bancas greccas èn uss serradas in'emna e transferir daners en l'exteriur è scumandà.
RR novitads 18:00 / 20:00