Siglir tar il cuntegn

Header

cuntegn

Exteriur La Grezia sin la via da la confruntaziun

Bunamain 2 terzs dals Grecs han avunda da la politica da spargn, ed han refusà a l'urna il program da spargn dals crediturs internaziunals.

Tenor il resultat final uffizial han 61,31% dals Grecs ditg na, e sustegnan uschia la via da lur regenza dal primminister Alexis Tsipras.

Tsipras pretenda ed offrescha refurmas

Suenter la victoria a Tsipras pledà a la televisiun, e discurrì d'ina decisiun istorica e curaschusa. Dals crediturs internaziunals ha el pretendì investiziuns ed ina restructuraziun dals daivets. Ses pajais saja dentant vinavant pront da far refurmas.

L'Europa cuntinuescha da sa cussegliar

La clera decisiun dal pievel grec pretenda uss novas respostas da l'Uniun europeica.

Oz sa cusseglian tranter auter la chanceliera tudestga Angela Merkel ed il president franzos François Hollande. E damaun a saira ha lieu a Brüssel in inscunter spezial dals schefs da stadi e da las regenzas dals 19 stadis da l'euro.

Agid umanitar fa da basegn

Entant ha il president dal parlament da l'UE Martin Schulz pretendì, ch'ils stadis da l'euro stoppian discutar in program d'agid umanitar per la Grezia. Il simpel burgais grec na dastgia betg pajar il pretsch per la miseria, che la regenza haja procurà.

RR Novitads 06:00

Artitgels legids il pli savens