Siglir tar il cuntegn

Header

cuntegn

Exteriur La Lituania dovra in segund scrutini

En l’emprima runda da las elecziuns dal president en la Lituania ha l’expert d’economia independent Gitanas Nauseda obtegnì las pli bleras vuschs – cun 31%.

Tar l’elecziun decisiva ils 26 da matg frunta Nauseda sin l’anteriura ministra da las finanzas Ingrida Simonyte, ella ha fatg radund 30% da las vuschs en l’emprim scrutini. Il primminister actual Saulius Skvernelis ha fatg mo 21% da las vuschs, ed ha annunzià da sa retrair il fanadur.

2,5 milliuns burgais èn stads clamads a l’urna en la Lituania. Tenor la cumissiun electorala è la participaziun stada tar 56%. En il pajais baltic ha il president surtut lezias represchentativas, vitiers ha el cumpetenzas en la politica exteriura e da defensiun.

RR novitads 06:00

Artitgels legids il pli savens