Exteriur - La mamma da «Google» la pli custaivla dal mund
Grazia ad in augment dal gudogn marcant surpassa «Alphabet», il concern mamma da «Google», sia concurrenza pli gronda. La valur dad «Alphabet» suenter il di a la bursa è creschida sin 554 milliardas dollars.
Uschia ha il concern «Apple» pers sia pole position sin la glista dals concerns ils pli custaivels dal mund. Il constructur dad i-phones, vegn sin ina valur da bursa da 534 milliardas dollars.
Uffizialmain vegn «Alphabet» a surpigliar la testa tar l’avertura da la bursa a la Wall Street il mardi en il curs dal di.
