En ils Stadis Unids blocchescha in tarment stemprà da naiv ina gronda part da la costa dal nordost. En 6 stadis han las autoritads proclamà il stadi d'urgenza. En il stadi da New York regia plinavant in scumond da charrar. Er bus e viafiers sutterrenas na charreschan per part betg pli.
Ordavant era gia passa 6`000 sogls vegnids stritgads. La populaziun è vegnida ordinada da star a chasa e las scolas èn serradas.Tenor las autoritads pudessan passa 60 milliuns persunas esser pertutgadas dal chaos da naiv. Ils meterologs quintan cun enfin 90 centimeters naiv nova.
RR novitads 06:00