Anc mai en l'istorgia da la carstgaunadad sajan uschè bleras spezias stadas periclitadas ni gia svanidas. Ed il tempo da quai svilup vegnia adina pli spert.
Ils auturs dal studi fan attent, che quai svilup n’è betg mo in problem isolà da l'ecologia mabain ina smanatscha reala per l'economia, la producziun da nutriment, la stabilitad politica e la fin finala era per l'existenza da tut ils carstgauns. Anc na saja dentant betg memia tard da prender cuntramesiras, hai num en il rapport. Quai dentant mo sche tuts prendian serius la crisa ed ageschian consequentamain. I dovri immediat midadas fundamentalas tar la tecnologia, la societad e l'economia e tar las valurs.
Era Svizra sto agir en favur da la natira
Surprender responsabladad stoppia qua era la Svizra. Betg mo entaifer ses cunfins naziunals mabain era a moda globala cun sustegnair las stentas internaziunalas, hai num dals auturs dal rapport.
RR novitads 18:00