Exteriur - La nova banca per il svilup BRICS è uss activa
A Shanghai ha avert la nova banca, creada da la gruppa dals pli impurtants novs pajais industrials BRICS. Questa gruppa sa cumpona da la Brasilia, la Russia, l'India, la China e l'Africa dal Sid.
La banca duai avair in chapital da 100 milliardas dollars. Ella duai finanziar projects da svilup ed d’infrastructura.
La finamira da la nova banca da svilup è, da daventar pli independent dad instituziuns sco il Fond monetar internaziunal u la Banca mundiala. Tenor la gruppa BRICS vegnan omaduas instituziuns dominadas da l'Europa e dals Stadis Unids.
