Els quintian cun passa 70% dals sezs en il parlament, quai ha ditg in pledader da la partida da l'opposiziun «Liga naziunala per democrazia» NLD. A la testa da la partida victura stat la purtadra dal premi Nobel Aung San Suu Kyi.
La cumissiun electorala n’ha anc betg confermà la victoria da la NLD. La partida regenta ha dentant concedì d'avair pers las elecziuns parlamentaras. Sia partida vegnia ad acceptar ils resultats, ha ditg il schef da la partida per la solidaritad e per il svilup.
I sa tracta da las emprimas elecziuns libras ch'il Myanmar ha gì dapi 25 onns.
RR Novitads 11:00