La partida regenta Fidesz en l’Ungaria perda la maioritad da duas terzas en il parlament, quai rapportan agenturas da novitads.
La partida dal primminister Viktor Orban perda en la citad da Vezprem in sez a l’opposiziun. Uss posseda la partida d’Orban ina vusch memia pauc per pudair midar la constituziun, necessari è ina maioritad da duas terzas.
Dapi il 2011 possedeva Fidesz la maioritad da duas terzas ed ha approvà ina constituziun nova, che vegn crititgada sco betg democratica. Era la lescha da medias e d’elecziun era vegnida midada.
RR novitads 22:00