L'anteriur president da l'Iran, Mahmud Ahmadinedschad, vul enavos sin il parchet politic. I stoppia dar in return als ideals da la revoluziun, per che quests ideals na giajan betg en emblidanza, ha ditg Ahmadinedschad en in pled a Teheran.
Dal 2005 fin il 2013 è Ahmadinedschad stà president da l’Iran ed ha fatg lingias grossas pervi da sia tenuta dira vers l'Israel ed ils Stadis Unids.
Anc l'entschatta da fanadur aveva el excludì in return politic. Tenor ses portal d'online vegnia el dentant intimà da sa participar a las elecziuns parlamentaras che han lieu ils 26 da favrer 2016.
