Siglir tar il cuntegn

Exteriur La primministra dal Danemarc sa retira

En il Danemarc datti ina midada da regenza. La primministra Helle Thorning-Schmidt ha concedì sia terrada da las elecziuns parlamentaras ed è sa retratga tant sco primministra sco er sco scheffa da la partida socialdemocrata.

Helle Thorning-Schmidt
Legenda: Helle Thorning-Schmidt era dapi 2005 la scheffa da la partida socialdemocrata. Reuters

La partida socialdemocrata da la primministra Helle Thorning-Schmidt aveva pers la maioritad en il parlament perquai che ses partenaris da coaliziun eran stads inferiurs a l'opposiziun.

Opposiziun mez-dretga gudagna

Il manader da l'opposiziun, Lars Løkke Rasmussen, ha gudagnà cun ses bloc da mez-dretg 90 dals 179 sezs en il parlament. Il bloc da mez-sanester è vegnì sin 85 sezs. Uss mancan anc ils resultats per 4 mandats per las Inslas Feroe e per la Grönlanda.

In tschintgavel da las vuschs per la vart dretga

L'opposiziun burgaisa ha d'engraziar ses success ad in ferm acquist supplementar dals populists da la dretga da la partida populara danaisa. Cun nov 21,1% da las vuschs è quella uschè la segund ferma partida suenter ils socialdemocrats.

RR novitads 08:00