Exteriur - La Queen vegn 90

audio

90 ONNS QUEEN ELISABETH II: SIA POPULARITAD

04:45 min, ord Actualitad dals 21.04.2016.

laschar ir. Durada: 4 minutas 45 Secundas.

Varga 60 onns regina e fitg populara

Gia cun 25 onns è Elisabeth vegnida Queen. Tar la populaziun Britannica è ella fitg populara. Sco quai che Mariano Tschuor, enconuschider da famiglias roialas di, è il pievel britannic in pievel che ha gugent l'istorgia.

La Queen è preschenta dapi passa 60 onns sin bancnotas u sin marcas. Tuttenina sa la glieud tgi che quai è ed ha er gugent questa persuna.

Ella discurra fitg pauc, quai ch'ella di ha però paisa.

audio

90 ONNS QUEEN ELISABETH II: INFLUENZA POLITICA

05:31 min, ord Actualitad dals 21.04.2016.

laschar ir. Durada: 5 minutas 31 Secundas.

Mintg’emna s’entaupa la Queen Elizabeth II. cun il primminister da la Gronda Britannia per in discurs. Là na vegni betg mo fatg baterlims, di Mariano Tschuor.

Durant quest discurs vegn er discurri davart las fatschentas politicas dal mintgadi. Ella saja insatge sumegliant sco la buna vusch dal parlament. La Queen saja numnadamain ina persuna cun immens blera experientscha: In’experientscha da 60 onns regina.

1 / 9

Legenda: Elizabeth sco uffant en il zoo. La pitschna Elizabeth cun in cumpogn e pinguins en il zoo da Londra. Keystone

2 / 9

Legenda: Elizabeth cun 21 onns. Queen Elizabeth, lura anc princessa, cun 21 onns a Londra. Gia lura segira da ses stil cun chadaina da perlas e chapè elegant. Keystone

3 / 9

Legenda: La familia roiala. Davant Queen Elizabeth II che tegn sia figlia Anne. Davostiers ses bab King George VI, daspera la sora Princess Margaret e sper lezza la mamma Queen Elizabeth. Keystone

4 / 9

Legenda: Las nozzas da Queen Elizabeth cun Prince Philip. Las nozzas da Queen Elizabeth e Prince Philip il 1947. Er sin il balcun da sanester: King George VI, Princess Margaret, Lard Mary Cambridge, ils spusai, Queen Elizabeth e Queen Mary (la tatta da la spusa). Keystone

5 / 9

Legenda: Queen cun corgis. La Queen ed ils corgis – ina istorgia d’amur. Qua salida ella cun fatscha traglischanta in club da corgis tar ina visita en il Canada. Reuters

6 / 9

Legenda: L'encurunaziun da la Queen. Queen Elizabeth II tar sia encurunaziun il 1953 en il Westminster Abbey. Keystone

7 / 9

Legenda: Queen Elizabeth II crida pervi das ses bastiment In rar maletg: La Queen che fruscha davent in larmin. Quai cura ch’ella ha stuì dar adia a ses bastiment “Britannia” il 1997. Reuters

8 / 9

Legenda: Queen Elizabeth II cun duchessa Catherine. La Queen er qua cun chadaina da perlas e chapè. Reuters

9 / 9

Legenda: Queen Elizabeth II È la monarcha impressiunada da ses agen anniversari? Reuters

9 fatgs curios davart la Queen

1. Mintga cign en Engalterra tutga a la Queen. Ils cigns vegnan dumbrads e controlladsmintg’onn. Er ils delfins e las balenas enturn l’insla tutgan dapi il 1324 a la Queen.
2. La Queen ha durant sia entira vita dà gnanc ina suletta intervista.
3. L’um da la Queen, Prince Philip numna sia dunna betg «charina» u sumegliant, para ch’el numna ella «sausage», tge che munta liongia.
4. La Queen n’ha mai daners cun ella. Ella na posseda er betg in pass u in permiss d’ir cun auto, tuttina dastga ella ir cun auto. Sco suletta persuna en Gronda Britannia dastga ella ir cun auto senza permiss.
5. La Queen communitgescha via sia tastga cun ses servients. Sch’ella metta la tastga dad in bratsch sin tschel munta quai para ch’ella ha lungurus. Sch’ella metta la tastga suenter tschaina sin maisa lura munta quai ch’ella less ir en 5 minutas.
6. En la segunda guerra mundiala è la Queen vegnida scolada sco mecanista d’autos. Para ch’ella savess schizunt midar ora in accumplament.
7. Ina servienta ha da «currer en» ils novs chalzers da la Queen per ch’ella na survegnia betg mal ils pes.
8. La Queen ha scrit ses emprim mail gia il 1976 davent d’ina basa militarica.
9. La Queen lascha para cuser en ils urs da sias rassas pitschnas paisas per che las rassas na s’auzan betg cura ch’i sufla.