La reavertura da la bursa greca porta grondas sperditas
- Glindesdi, 3.8.2015, 21:27
La bursa ad Athen ha fatg il glindesdi in minus da record, suenter ch'ella a avert per l'emprima giada dapi 5 emnas.
Bild in Lightbox öffnen.
Legenda da maletgs: Suenter l’avertura da la bursa greca han blers titels nudà grondas sperditas. Keystone
Cura che la bursa ha serrà glindesdi saira, muntava la sperdita 16%. Ina tala sperdita entaifer in di ha la bursa greca anc mai stuì nudar en si’istorgia.
Sperditas anc pli grondas hai dà tar las bancas grecas, lur curs d'aczias han pers bunamain in terz da la valita en il decurs dal di. Las bancas grecas èn dapi mais dependentas da credits d’urgenza.
La bursa greca era vegnida serrada la fin zercladur, en connex cun la dispita da daivets cun ils crediturs internaziunals.
RR Novitads 08:00