In'emna e mez suenter las elecziuns dal parlament en Slovachia èn 4 partidas sa cunvegnidas ad ina nova regenza da coaliziun, quai communitgeschan ils schefs da las partidas.
Schef da la regenza resta il socialdemocrat Robert Fico. Malgrà che sia partida ha incassà ina terrada è ella restada la pli ferma. Tar las prioritads dal program da regenza tutgian il cumbat cunter la corrupziun il schlargiament da las colliaziuns da traffic ed ina politica da taglia agreabla per las interpresas.
