La Royal Bank of Scotland (RBS) ha para fatg la dumonda per ina licenza da banca en Germania. Quai per il temp suenter la sortida da la Gronda Britannia da l’Uniun europeica. Uschia veglia la banca segirar l’access als martgads europeics er suenter il Brexit. Quai rapporta la gasetta britannica «Financial Times».
La Royal Bank of Scotland è la terz gronda banca da l’Europa. L’october aveva la banca annunzià da metter d’in maun 100 milliuns glivras per ristgas en connex cun il Brexit.
RR novitads 11:00