Siglir tar il cuntegn

Header

cuntegn

Exteriur La Russia na sgola vinavant betg en l'Egipta

La Russia na lubescha vinavant nagins sgols en l'Egipta. Il scumond da sgular pudess valair per plirs mais. L'emprim stoppian las mesiras da segirtad als eropports egipzians correspunder als standards internaziunals.

Il scumond da sgular che la Russia ha ordinà per l'Egipta vegn anc a valair in temp. Tenor las autoritads russas vegnian ins pir a reprender las colliaziuns cura che las mesiras da segirtad als eroports egipzians correspundian als standards internaziunals - e quai vegnia a cuzzar plirs mais.

Cun il stopp da sgols per maschinas da passagiers aveva Moscau reagì sin la crudada da l'aviun da vacanzas sur la peninsla Sinai cun 224 passagiers a bord.

Servetschs secrets dal vest supponan in'attatga terroristica sco raschun, entant che la Russia na vul betg sa fixar. I na dettia naginas indicaziuns segiras per in'attatga. L'emprim stoppian tut ils tocs da l'aviun vegnir chattads e transportads a Cairo. L'examinaziun da la crudada vegnia a cuzzar plirs mais.

Artitgels legids il pli savens