Siglir tar il cuntegn

Exteriur La Spagna anullescha il cumond d'arrest cunter Puigdemont

La pli auta dretgira da la Spagna ha annullà il cumond d'arrest europeic cunter l'anteriur primminister catalan Carles Puigdemont e ses anteriurs commembers da cabinet. Il cumond d'arrest sin plaun naziunal en Spagna resta però en vigur.

Carles Puigdemont.
Legenda: Il cumond d'arrest cunter Puigdemont e ses cumpogns da cumbat è vegnì annullà. Keystone

La dretgira giustifitgescha sia decisiun cun quai ch'els possian uschia evitar che pliras dretgiras europeicas intervegnian. Numnadamain è enconuschent dals advocats da Puigdemont ch'ina dretgira belgia vegn a decider ils 14 da december sch'ils cumonds d'arrest vegnan exequids e sch'ils politichers vegnan surdads a la Spagna.

Plinavant vegn era spetgà che Puigdemont e ses collavuraturs vegnian a turnar en Spagna en connex cun las elecziuns il december.

RR novitads 12:00