Siglir tar il cuntegn

Header

Purtret da Mariano Rajoy
Legenda: Il primminister da la Spagna Mariano Rajoy sa uss tuttina reger. Keystone
cuntegn

Exteriur La Spagna ha puspè regenza

Suenter bun 10 mais survegn la Spagna puspè ina regenza ch’è abla da reger. La partida dals lavurers socialistica PSOE ha decis a Madrid da sustegnair in’ulteriura perioda d’uffizi dal primminister conservativ Mariano Rajoy. Quai ha communitgà la PSOE.

La partida dals lavurers sozialistica (PSOE) ha decidì la dumengia a Madrid d'acceptar ina regenza minoritara dal president conservativ Mariano Rajoy. 139 commembers han decidì gie encunter 96 vuschs encunter, uschia medias spagnolas.

Il parlament vegn pia ussa ad instradar ina votaziun davart la furmaziun da la regenza. Ils socialists vulan s'abstegnair. Uschia po Rajoy far ina maioritad simpla en il parlament.

Pervi da questa situaziun en il parlament ha la Spagna dapi il dezember 2015 nagina regenza regulara. Rajoy è be en uffizi sco manader da gestiun. Tar las reelecziuns il zercladur 2016 è la partida da Rajoy stada la pli ferma. La maioritad absoluta han els dentant puspè betg pudì cuntanscher. Il schef dals socialists, Pedro Sanchez, aveva sur lung temp bloccà in’ulteriura perioda d’uffizi da Rajoy. Entant è Sanchez sa retratg.

RR novitads 17:00

Dapli da Exteriuravrir la Landingpage

Nach links scrollen Nach rechts scrollen