Siglir tar il cuntegn

Header

Plazza a Turitg.
Legenda: La Svizra è vinavant il pajais il pli cumpetitiv dal mund. Qua il «Paradeplatz» a Turitg. Keystone
cuntegn

Exteriur La Svizra resta il pajais il pli cumpetitiv dal mund

Per la novavla giada en seria è la Svizra sin l'emprim plaz quai che pertutga la cumpetitivitad. Quai demussa in studi dal Forum mundial d'economia WEF.

Sin ils ulteriurs plazs suondan ils Stadis Unids, il Singapur, ils Pajais Bass e la Germania.

Ils auturs dal studi han identifitgà trais difficultads ch'influenzeschan la capacitad da concurrer dals stadis: In sectur da finanzas instabil, dretgs da lavurers flaivels ed investiziuns falladas.

Per far il studi han ils auturs resguardà differents facturs che contribueschan a la productivitad ed il bainstar dad in pajais. Tranter auter èn quai il sistem da furmaziun, la sanadad, la grondezza dal martgà, il standard tecnologic, la cultura da manar interpresas e l'effizienza dal martgà.

RR novitads 06:00