Siglir tar il cuntegn
Duas dunnas cun sguard vid, parcadas en sutgas da roda sin in pierten.
Legenda: Stgatschadas dals terratrembels da lur da chasa - dunnas evacuadas passentan la notg en il Centro della Croce Rossa a Visso (Marche). Keystone

Exteriur La terra en Italia na fa betg paus

Questa bun’ura ha squassà in ulteriur terratrembel posteriur la terra da la regiun Le Marche cun ina fermezza da 4,7. En la regiun gia pertutgada fermamain ha il terratrembel fatg dar ensemen ulteriurs bajetgs.

Avant quest ulteriur terratrembel aveva il prim-minister talian Matteo Renzi empermess 40 milliuns euros sustegn immediat per las dieschmilli da persunas ch'han pers lur dachasa pervia dals terratrembels cuntinuants. Tut il necessari suenter il terratrembel vegnia mess a disposiziun, ha ditg Renzi suenter in inscunter da la regenza.

L'Italia ha però gronds debits. L'uniun europeica (UE) pretenda, ch'il pajais sbassia ses deficit. En cas da catastrofa prevesia la cunvegna da stabilitad da l'Uniun europeica però levgiaments ed excepziuns – uschia ina pledadra da la cumissiun da l'UE.

RR novitads 11:00

Artitgels legids il pli savens