Bunamain 60 milliuns Tircas e Tircs èn stads clamads a l’urna la dumengia. Dapi las quatter temp svizzer èn ils locals d'elecziuns serrads. I vegn dubrà las vuschs. Tenor enquistas è il president actual Recep Tayyip Erdogan il favurit tar las elecziuns. Sper Erdogan èn quatter ulteriurs candidats ed ina candidata en la cursa per l’uffizi da president.
Il president daventa in president cun gronda pussanza
Cun las elecziuns è l’introducziun dad in sistem presidenzial a fin. Il nov president tirc daventa schef da stadi ed en il medem mument er schef da la regenza ed ha uschia gronda pussanza. L’uffizi dal primminister n’a datti betg pli.
Annunzia d'irregularitads
Curt suenter ch’ils locals electorals han avert, annunzian observaders irregularitads electoralas. En pliras regiuns dettia emprovas da manipular las elecziuns.
RR novitads 11:00+