Tenor il schef dal parlament da l'UE Martin Schulz pretenda il pajais 3 ulteriuras milliardas euros fin l’onn 2018 per sustegnair ils fugitivs. Sche la Tirchia survegnia propi ils daners na saja anc betg segir. Ils pajais da l’UE hajan numnadamain reagì «relativamain plaun» tar las 3 milliardas euros concedidas fin uss, ha Schulz aschuntà. Il november passà aveva l'UE empermess a la Tirchia 3 milliardas euros.
Anc averta è la dumonda da visum
La Tirchia pretenda plinavant ch'i vegnia fatg vinavant cun liberar ses burgais dal obligatori da visum. Tenor Schulz è il parlament da l’UE pront da discutar surlonder, i saja dentant da resguardar la procedura prescritta. Sco cuntramesira duai la Tirchia prender enavos tut ils fugitivs da las inslas grecas, che n'han nagin dretg d'asil.
RR Novitads 17:00