Siglir tar il cuntegn

Header

La chanceliera tudestga Angela Merkel ensemen cun autras persunas.
Legenda: Suenter uras da tractativas banduna la chanceliera tudestga Angela Merkel l’inscunter da l’UE. Keystone
cuntegn

Exteriur La UE serra las retschas envers la Tirchia

Ils schefs da l'Uniun europeica èn sa cunvegnids la gievgia saira ad ina posiziun communabla per surmuntar la crisa da fugitivs cun la Tirchia.

La chanceliera tudestga Angela Merkel ha tratg ina bilantscha positiva suenter ils discurs da l’emprim di da l’inscunter da l’UE a Brüssel. L’atmosfera saja stada fitg constructiva.

La UE vul preschentar il venderdi il pachet da mesiras al primminister tirc Ahmet Davutoglu. Tenor Merkel na vegnian las tractativas betg ad esser simplas. Davart il cuntegn dal pachet da mesiras na datti naginas indicaziuns.

L'emna passada aveva la Tirchia proponì da prender enavos tut ils fugitivs ch'èn viagiads illegalmain en Grezia. L'UE da sia vart duai prender si per mintga Sirian transportà enavos en la Tirchia, a moda legala in auter fugitiv sirian ord la Tirchia.

RR Novitads 06:00

sda/ba

Artitgels legì il pli savens

Nach links scrollen Nach rechts scrollen