Siglir tar il cuntegn

Exteriur La UMP da Sarkozy gudogna l'emprima runda

La partida conservativa UMP da l'anteriur president Nicolas Sarkozy ha gudagnà l'emprima runda da las elecziuns, quai tenor las emprimas calculaziuns. Ella survegn 29 fin 32%, quai tenor las prognosas da l'institut CSA.

Nikolas Sarkozy, purtret
Legenda: Nicolas Sarkozy, l'anteriur president da la Frantscha, e sia partida conservativa UMP, han gudagnà l'emprima runda da las elecziuns. Reuters

L'extrema dretga, la partida Front National da Marine LePen survegn tranter 24,5 fin 26,3 %. Ina greva terrada datti per ils socialists. La partida dal president François Hollande survegn circa 20% da las vuschs.

Il schef da regenza, Manuel Valls è tuttina sa legrà "che la dretga extrema n'è betg l'emprima formaziun politica en la Frantscha". Ussa dependia tut da l'elecziun decisiva la dumengia proxima ha ditg Valls.

Singulas enquistas han vesì il Front National sco pli ferma partida, uschia ha ella dentant fatg in pli nausch resultat che spetgà.

RR novitads 21:00