La Venezuela sto auzar il pretsch da benzin

Il pajais sidamerican augmenta per la prima giada dapi radund 20 onns il pretsch per il benzin. Quai en consequenza da la nauscha situaziun finanziala dal pajais.

Tancadi a Caracas, Venezuela. Bild in Lightbox öffnen.

Legenda da maletgs: Tancar vegn pli tgar en la Venezuela: Tancadi a Caracas. Keystone

Il president Nicolas Maduro ha annunzià ch'il benzin custia a partir da damaun radund 1’300% dapli. Tuttina custa il tanc benzin d'in auto pitschen anc adina pli pauc ch'ina limunada.

Fin ussa subvenziunava il stadi il benzin cun radund 10 milliardas dollars americans. L'onn passà è l'economia dal pajais però sa pegiurada per 5%. Quai surtut pervi dal bass pretsch per l'ieli. Perquai vegna a medem temp er la valuta dal pajas, il bolivar, svalitada per 37%.

Pervi ch'il pretsch d'ieli è crudà massivamain, aveva il president Nicolas Maduro proclamà il schaner il stadi d'urgenza economic. La Venezuela posseda las pli grondas reservas dad ieli da l'entir mund.

RR novitads 07:00