La violenza en la Tirchia duai avair ina fin

La partida pro-curda HDP ha appellà tant a la regenza tirca sco a la partida militanta curda la PKK da laschar ruassar las armas.

Ina dunna bragia vid in vaschè d’in policist sajettà giu. Bild in Lightbox öffnen.

Legenda da maletgs: Unfrendas da l’escalaziun da violenza tranter la regenza tirca e la PKK datti bunamain mintga di. Keystone

La PKK duaja desister d’acziuns violentas e sa tegnair vi dal armistizi, ha ditg il schef da la HDP, Selahattin Demirtas. Il medem mument duaja la regenza chalar cun sias attatgas ed esser pronta per il dialog.

Pir il venderdi eran 6 persunas mortas en il conflict tranter las forzas da segirtad tircas e la PKK. Dapi mez fanadur è il conflict puspè s’intensivà.

Davent dal 2012 aveva quai dà discurs da pasch tranter la Tirchia ed il schef da la PKK Abdullah Öcalan che sesa en ina praschun tirca.

RR Novitads 18:00