Siglir tar il cuntegn
cuntegn

Exteriur Labor spazial crudà giu sur Pacific dal Sid

Il labor spazial chinais ch'è ord controlla è entrà la notg sin glindesdi en l'atmosfera.

Staziun spaziala chinaisa.
Legenda: La staziun spaziala «Tiangong-1» l'onn 2010. Keystone
  • La staziun spaziala chinaisa «Tiangong-1» è entrada enturn las 02:15 (temp svizzer) sur il Pacific dal Sid en l'atmosfera.
  • Il labor che paisa otg tonnas saja per gronda part arsa, ha communitgà Peking.
  • Las parts restantas crodian en la mar.

La staziun spaziala chinaisa «Tiangong-1» è entrada curt suenter las duas en l’atmosfera. Ella saja arsa per gronda part durant l’entrada. Quai ha communitgà l’agenzia spaziala da la China. Las ulteriuras parts sajan crudadas en il Pacific dal Sid. Quai senza far donns.

Dapi il 2011 en funcziun

Ina racheta aveva transportà la staziun spaziala en l’orbit il 2011. I sa tractava dad in labor spazial en il qual ils Chinais han fatg plirs experiments.

Il settember 2016 ha la China tramess ses successur "Tiangong-2" en il cosmos. La finamira dals Chinais è dad etablir ina staziun spaziala permanenta fin il 2022.

RR novitads 06:00