Las armas taschan en la Siria

La pausa da cumbat en la Siria vegn per gronda part resguardada. Curt suenter ch'ella ha cumenzà èsi stà ruassaivel a las bleras fronts. Quai din ils observaders.

Persunas sin in martgà a Damascus, Siria. Bild in Lightbox öffnen.

Legenda da maletgs: Las armas en la Siria taschan almain per il mument. Keystone

La televisiun statala ha dentant rapportà ch'in vehichel saja explodì en la regiun da Salamija. Duas persunas sajan vegnidas mazzadas.

Questa regiun è sin il cunfin cun in territori che vegn controllà da l'organisaziun terroristica «Stadi Islamic». La pausa da cumbat na vala betg per questa organisaziun terroristica ed er betg per la front dad Al-Nusra.

Il post d'observaziun per dretgs umans ha declerà ch'ils cumbats tranter adherents dal reschim e rebells islamistics en il nordvest dal pajais hajan cuntinuà.
Er en autras parts dal pajas saja la pausa da cumbat vegnida rutta sporadicamain. - rapportan perditgas.

La pausa da cumbat è ina da las premissas per reprender ils discurs da pasch ils 7 da mars.

RR novitads 09:00