Siglir tar il cuntegn

Header

Umens davos moniturs.
Legenda: Dapi l'entschatta dal onn ha la bursa gia nudà massivas sperditas. Keystone
cuntegn

Exteriur Las bursas sin l’entir mund reageschan sin la bursa chinaisa

La crudada dals curs da las aczias en China ha laschà stremblir er las ulteriuras bursas sin l’entir mund. Uschia ha er il pli impurtant index da la bursa en Svizra l’SMI pers.

Las bursas asiaticas han reagì cun sperditas sin il svilup da l'economia e dals martgads d'aczias en China. La bursa giapunaisa a Tokio ha serrà cun in minus da passa 2,3%. Era il pretsch d'ieli crudà. Uschia custa in barrel da la marca Brent actualmain 33 dollars, il zercladur 2014 custava el anc 115 dollars.

SMI perda temporar 3,3% - serra però tar -1,9%

Sco la gronda part da las bursas mundialas a era la bursa svizra patì. La saira ha la bursa a Turitg serrà cun in minus da 1,9%. Durant il di era l'index sa sbassà per fin a 3,3 %.

Provocà las sperditas aveva ina nova svalitaziun da la valuta chinaisa il Yuan. Sinaquai avevan las bursas chinaisas pers oz endamaun aifer curt temp uschè bler - ch'il martgà è vegnì interrut suenter mo mes'ura.

RR novitads 11:00/20:00

Artitgels legids il pli savens

Scrollar a sanestra Scrollar a dretga