Quai è l'emprima giada ch'il Premi da Nobel va en Siria. Premiads vegnan era ina feminista da l'Egipta, in'activista per ils dretgs umans russa ed ina gasetta tirca, sco la fundaziun "Right Livelihood Award" ha communitgà.
Las chapellinas alvas dumbran var 3'000voluntaris che ristgan lur vita per salvar carstgauns suenter attatgas or da las ruinas. L'organisaziun siriana vala era sco candidata per il Premi Nobel da la pasch che vegn surdà en var duas emnas.
RR novitads 08:00