Siglir tar il cuntegn

Header

cuntegn

Exteriur Las consequenzas dal cugliunar

VW ha per entant franà la vendita d'intgins vehichels en ils Stadis Unids. I sa tractia dad autos da diesel da las marcas VW ed Audi da l'onn 2015, sco l'interpresa ha declerà.

La raschun è l'affera da tests da svapur che VW aveva manipulà en ils Stadis Unids. La direcziun dal concern aveva concedì quai la dumengia. Las autoritads americanas investigheschan pervi da quai cunter VW.

En il mender cas smanatscha al concern in chastì da passa 18 milliardas dollars. Las aczias da VW han pers glindesdi ina considerabla part da lur valur.

Situaziun en Svizra è nunclera

Schebain l'affera pertutga era la Svizra è il mument intschert. L’interpresa stoppia uss intercurir la chaussa, ha ditg in pledader da l’importader da VW Amag a l’agentura da novitads sda.

Pervi che las leschas sajan uschè differentas, vegnian ils concepts da motors adattads als singuls martgads. Uschia na possia il cas betg vegnir transferì in sin in sin l’Europa, ha ditg il responsabel da l’Amag.

RR novitads 11:00 / 15:00

Artitgels legids il pli savens