Tar las contractivas davart dal Brexit tranter l'UE e la Gronda Britannia haja dà in avanzament. Quai ha communitgà il president da la cumissiun da l'UE, Jean Claude Juncker suenter esser s'inscuntrà cun la scheffa da la regenza britannica, Theresa May.
Cunvegnas en connex cun l'Irland e l'Irlanda dal nord
La cunvegna saja reussida perquai ch'i haja dà concessiuns en la dumonda da cunfin tranter l'Irlanda e l'Irlanda dal Nord.
Ils progress da las contractivas sajan suffizients per entrar en la proxima fasa dals discurs davart dal Brexit. Ussa stoppian ils stadis commembers decider, sch'i haja era dà ord lur vista progress suffizients en l'emprima fasa.
Tenor cunvegna restan uss anc 15 mais als partenaris da contractiva per vegnir tar ina conclusiun.
RR novitads 10:00