Siglir tar il cuntegn

Exteriur Las emissiuns da CO2 stagneschan

Gia il terz onn en roda restan las emissiuns dal dioxid carbonic bassas. Grazia a las emissiuns ch'èn sa reducidas en China creschian las emissiuns dal gas quest onn per 0,2%.

Purtret d'ina citaden China cun autos e nivels da smog.
Legenda: Purtret da la China che ha in problem cul smog pervi dals blers autos. Keystone

Quai ha publitgà la gasetta «Earth System Science Data» cun ina studia. En ils onns suenter il 2000 eran las emissiuns creschidas per bunamain 3% ad onn.

La China è responsabla per rodund 30% da las emissiuns da CO2. Perquai ch'il svilup da l'economia è sa sminuì e perquai ch'i vegn duvrà pli pauc charvun en China, sa sminueschan las emissiuns dal gas nuschaivel per 0,5%. En ils Stadis Unids spetgan ins che las emissiuns giajan enavos per 1,7% il 2016.

L'economia crescha entant vinavant. Quai pudess esser in segn per ina nova tendenza. Ma i saja anc memia baud per giubilar. Ins stoppia spetgar e guardar sche questa tendenza cuntinueschia, ha ditg l’uniun da perscrutaders Global Carbon Project. Plinavant na bastian las valurs actualas betg per limitar il stgaudament da la terra sin 2 grads. Per quai dovira ulteriuras mesiras.

RR novitads 08:00