Siglir tar il cuntegn

Header

cuntegn

Exteriur Las Filippinas elegian in nov president

Da las elecziuns presidialas sin las Filippinas maina il favurit Rodrigo Duterte cleramain tenor las emprimas calculaziuns inuffizialas.

Suenter che radund 2/3 da las vuschs èn dumbradas, vegn Duterte sin radund 40%. Quai ha communitgà in’organisaziun d’observaturs electorals catolics.

Sin il segund plaz suonda la senatura Graze Poe cun 17% pli pauc vuschs.

Duterte vala sco ultra-conservativ ed ha annunzià da cumbatter la criminalitad cun tut ils meds necessaris – en il mender cas er cun proclamar il dretg da guerra.

Il president actual, Benigno Aquino, na dastga betg pli candidar pervi da la restricziun d’uffizi. El ha gia avertì ch’ina elecziun da Duterte fiss in return tar ina dictatura.

RR novitads 06:00

Artitgels legids il pli savens